A A.D. Cortegada ten una longa historia, e moitas foron as xogadoras que deixaron marcada a súa presenza. Este é o caso de Helena Mariño, ca que hoxe falamos e recordamos o seu paso polo noso clube.
Fai poco celebrábamos os 20 anos dende o primeira partido do Cortegada na Liga Feminina, e ti eras unha das xogadoras, ¿como vivíchedes aquel partido?
Lembroo coma un dos recordos a nivel deportivo máis bonito que atesoro, conseguir chegar a xogar en Liga Feminina era un sono e o logramos! Con moito traballo e esforzo e aínda por riba contra o todopoderoso Pool Getafe…
O Pool Getafe de Diaz Miguel contaba con grandes e históricas xogadoras, ¿como foi enfrontarse a aquela plantilla?
Éramos conscientes que era un enfrentamento David – Goliat a diferencia de presuposta era brutal pero nos fumos sen complexos e a desfrutar do momento, ter diante a xogadoras coma Valdemoro, Margot Didet, Blanca Ares que ti as estabas vendo as tempadas anteriores pola tele e agora as tiñas diante e as podías tocar era un subidón de adrenalina. Vivir toda a parafernalia da presentación previa, darlle a man a Diaz Miguel, un referente do baloncesto nacional nese momento, todo foi un cúmulo de sensacións e co paso dos anos as valoras moito máis.
Pero, antes de chegar a ese punto, houbo que xogar unha fase de ascenso na que díchedes a sorpresa, que recordos gardas?
Foi unha fase moi especial porque xa viñamos cunha bagaxe de xogar outras dúas antes (La Seu e Burgos)e ista era a terceira e na CASA. O estar arroupados pola nosa afección foi moi especial.
Cales crees que eran os ingredientes do éxito de aquela plantilla que tantas cousas nos fixo vivir?
Traballo, esforzo e sobre todo identificarse coma un EQUIPO en tódolos sentidos (apoiándonos dentro e fora da pista, eramos unha piña, as da casa xa levabamos moitos anos traballando xuntas e acoplábamos os fichaxes de cada ano na nosa dinámica sen nengún problema.
Durante moitos anos tiveches varios papeis no noso Clube, xogadora, entrenadora… Que recordos gardas deses anos?
Son lembranzas moi bonitas, eu formeime coma xogadora neste clube e os meus mellores anos coma tal os disfrutei nel.
Coma adestradora tamén estiven colaborando pero faltoume quizais un pouco máis de apoio por parte do clube para seguir con esta faceta unha vez que deixei de ser xogadora,a oportunidade e apoio que me dou Alberto Blanco no CBV onde actualmente son a súa coordinadora de base e nestes anos conseguín a titulación superior tamén.
A.D. Cortegada
Como cada entrevista, rematamos realizando algunhas preguntas acerca do clube.
A A.D. Cortegada ten unha gran historia de éxitos labrados na base, cal crees que foi a receta deste éxito?
Conseguir ter paciencia no traballo de base e fundamental para logar éxitos neste campo, o feito tamén de ter un equipo en Liga Feminina 2 é un espelllo para as xogadoras no que mirarse e non deixar de ser un aliciente para seguir mellorando e esforzándose.
E xa para rematar, gustaríanos que deses un par de consellos a cada un dos seguientes papeis que forman un clube:
- a) O xogador: Disfrutar con vir a adestrar cada día, pasalo ben e intentar aprender algo novo en cada adestramento.
- b) Os adestradores: Formación continua e nunca acomodarse, ter gañas de seguir aprendendo sempre.
- c) Os directivos: aplaudir o seu traballo e esforzo pero tamén dicirlle que se abran e confien en xente que sempre sume en positivo para o clube.
- d) Os país/nais: Confiar no clube no que están os seus fillos ,disfrutar cos logros dos seus cativos sen aspirar a máis que a que seu fillo sexa feliz e estea nun ambiente sano para o seu desenrolo deportivo e sobre todo persoal.
Alba Gorgoso Villamarín.