O Portomar Cortegada leva xa unha semana de traballo, logo das longas vacacións navideñas que o club lles concedeu aos integrantes do plantel dirixido por Rubén Domínguez, desde o 22 de decembro ata o 2 de xaneiro. Desde entón as xogadoras do cadro vilagarcián tan só descansaron o luns, o día de Reis. E é que por diante quedan os tres últimos partidos da primeira volta, co cadro de Fontecarmoa necesitado de engordar o seu balance de tres triunfos en oito xornadas. Incluída a vitoria coa que pechou o 2013, na cancha do Café Barco GBP (65-70).
A necesidade de recuperar canto antes o nivel competitivo requerido pola Liga Femenina 2 increméntase esta semana polo tipo de compromiso que teñen este sábado as de Rubén Domínguez. Un derbi co Arxil no Pavillón de Fontecarmoa (19.30 horas), co cadro da cidade do Lérez dous postos por riba cun partido máis gañado no seu haber.
Sobre o feito de voltar do parón cun choque de rivalidade á porta, o técnico do Portomar Cortegada comentaba onte que «las chicas han vuelto con muchas ganas de entrenarse», se ben confesaba que descoñecía se era polos once días sen reunirse, ou pola condición de derbi do seu primeiro compromiso do 2014.
Sobre o estado no que atopou as súas pupilas, Rubén manifesta que é óptimo. No en van, «las que son de Vilagarcía siguieron trabajando con el equipo juvenil del club y en el gimnasio, y el resto -Mame, Gilabert, Aliaga e Salomé- se entrenó por su cuenta».
Fuente: La Voz de Galicia