Non se produciron, tampouco, moitas sorpresas na relación de inscritos para a Liga Feminina 2. Son vinte e cinco os clubs que mostraron o seu interese en participar polo que faltarían tres prazas para completar os 28 que a Federación Española quere para poder dividir aos clubs en dous grupos de catorce equipos.
O Portomar Cortegada é un dos que aparecen na relación. As vilagarciás, de feito, repetirán duelos coa maioría dos rivais cos que se mediron na pasada tempada porque da lista que onte fixo pública a Federación Española pódese intuír que o grupo A o completarían o Universitario de Ferrol, Durán Maquinaria Ensino (Lugo), CB Arxil (Pontevedra), Pavillón Ourense, Ao-Qaezeres Estremadura (Cáceres), Café Barco GBP, Universidade de Valladolid , Universidade de Oviedo, Adba (Avilés), Celta Selmark, Aros León. A principal novidade sería a presenza do Café Barco GBP, un club de Badaxoz. A gran noticia da categoría sería a presenza dun equipo do Barcelona.
Fuente: La Voz de Galicia